「有關於練習的概念」

O 2020/08/18    瀏覽: 197 次

今日同大家探討一下「練習」,有好多朋友都認為練習就係不停彈好長時間。

 

有一點想同大家講既,鍾意彈當然係一件好事來。但「練習」係一件另外一回事來,其實學習同練習音樂既性質就如同學習語言一樣。

所以需要講究「針對性」,而「針對性」係針對既大分為「理解能力」、「技巧」兩部份。

 

字面上簡略講解一下俾大家。

「理解能力」:拍子拆解、音樂理論、聽力訓練。簡單來講就係「Sight Reading」到「Reharmony」既練習。

      「技巧」:正如字面上既意思,就係技術上既練習。基本有左右手練習、控制能力練習、樂器運用技術練習。

可能有人會認為係廢話,但係個人接觸過或認識既專業音樂人就係一班講究細節上既練習同變化既人。

 

「正式錄音先係真正地獄既開始!!!」點解每一位都會咁講?

因為講究既係「拍子既準確度、音與音之間既間距、力度大細、歌曲或樂句既律動、Sequence既考量等等...」

當然,唔需要強逼自己做到「1 Take」既程度,但錄音其實就係日常練習入面做得夠唔夠好。

 

唔知大家有冇諗過:〖其實聽歌係聽緊唔同既人講緊故事,執歌係閱讀理解,Lick係每日名言。〗

要學識30個調,絕對唔難。要學識彈一首歌,都絕對唔難。但要學識一樣樂器,絕對需要時間。

 

最後,為大家送上一條影片「Paul Jackson Jr.既伴奏示範」:

https://www.youtube.com/watch?v=Nwsm1b4j2dw&list=LLXzCX9ciSXg58C3SjYk2Ccw&index=4&t=0s

如有興趣睇更多呢類型影片的話,可以去要勝聲音樂工作室Sheng Sheng Studio的YouTube Channel:

https://www.youtube.com/channel/UC57aWJyu-DMD6_MuMSdAKRw

 

下次會嘗試拍一條短片為大家講解下結他Minor Chord既基本變化音。一齊努力!!!