【睇完主流樂壇 麻煩你睇返呢邊 呢邊係本地樂隊圈】
【2017年就由報名蒲窩嘅樂隊比賽打頭炮啦！！！】
「全港青少年樂隊比賽2017」有D咩重點highlight？
1. 比賽以外新增一連串樂隊訓練活動
唔想大家係初賽玩完一首歌聽完意見，然後咁就完左，所以希望今年可以更加互動，創造更多嘅雙向對話空間，令年輕樂隊能夠由技術層面、舞台經驗、器材認識、創作能力、發展視野及自我追尋都有所增長！
黎緊將會陸繼公佈初賽前、初賽後、決賽前、決賽後嘅一連串樂隊訓練活動！不過一連串樂隊訓練活動都會公開比各位非參賽樂隊及樂手參加（當然，緊係參賽樂隊優先啦…）
Please STAY TUNED!
好重要所以已經講左三次~~~
2. 比賽玩一首定兩首歌？
學生組一如以往表演一首原創歌。
公開組報名需要填寫兩首原創歌，初賽演出一首，入圍決賽表演兩首原創。
(蒲友翻查蒲窩記錄，2005年之前樂隊比賽公開組樂隊都要玩兩首歌，其實可以玩得更加投入之餘，觀眾同評判方面可以更深入認識每個樂隊。)
3. 樂隊介紹短片有咩用途?
上年蒲窩嘅樂隊比賽以初衷作為比賽主題，邀請不同本地樂隊參與各自嘅初衷記錄，我地都希望聽到更多年輕樂隊對於「音樂創作」及「本地樂隊」發自最內心嘅取態！1分鐘嘅介紹短片入面，希望大家分享一下你地嘅____________。條短片同入唔入到決賽係完全無關，只會供初賽評判對談環節參考之用，我地希望可以藉著短片更認識你地！
4. 參賽歌曲要係原創?
都係架…
報名表格就係呢度：https://goo.gl/FBJRda
比賽源於競爭，唔應該著眼評分，而應該著眼於進步。蒲窩嘅全港青少年樂隊比賽2017希望能夠透過一連串樂隊訓練活動，由「初衷」引領年輕樂隊尋找個人價值、目標及方向，為樂隊發展需要提供相應養分，擴闊年輕樂隊對個人及樂隊發展視野、創作視野與想像力並增強演出表達能力及樂器技術等，從而進一步推動樂隊比賽成為本地樂隊向上與向外的發展及交流平台。
