歷奇半音口琴小知識天冷記得要暖琴
吹半音口琴既朋友，最怕就係天冷既日子。何解？因為會卜琴囉。
點解係半音，其他口琴例如複音十孔冇呢個問題咩？係！因為半音口琴有塊膠片，用以緊風閉合使琴發得更大既聲音。
但問題係呢塊膠片好易受潮，溫差大既情況更為常見，就好比戴眼鏡人士暑假時係商場嘆完冷氣出返馬路時一樣，成塊鏡片濕哂。
半音口琴一樣，吹得耐膠片就會因水氣而黏著琴梳，久而久之就會產生卜琴既問題。成日吹吹下忽然唔響，常發生於吹音特別是中低音地區。硬係要大大力先吹得破，在演奏弱聲時更是掃興，影響節奏又影響心情。
所以每次練習，記得要暖琴，方法有好多種：
1: 夾在身體，本人就習慣在肘下，因為那是人體最高溫的地方。當然大汗人士最好選擇其他位置為妙，你懂的（笑）
2: 暖琴寶，台灣朋友發明的新產品，放進可由Usb發電的包包即可，既方便又快捷。
3: 暖風機/風筒，未有暖琴寶的朋友，也可嘗試一下，效果不錯。
4: 放係喵咪肚腩上（首先你要有）
天冷練琴，切記唔好係窗邊呀！
請瀏覽歷奇口琴中心/口琴隊：
https://www.facebook.com/AdventureHarmonica
