豎琴換線tips
天氣不穩定的日子，就算日日夜夜開抽濕機都不能阻止豎琴斷線。雨季時一星期斷兩三條弦都唔出奇。。
提提大家換新弦時都要換新線頭 (spline/anchor)!
好多學生貪方便會重用線頭，但舊線頭被捆綁長時間會被舊線壓出一條坑紋。重用會使新線跟琴身產生更多磨擦，於是弦線壽命就會減短好快又斷。另外因爲弦線陷入或壓住坑紋，彈奏該弦時便會產生雜音，音色奇怪。
新線頭可以從第五個8度的弦線剪出(the 5th octave string). 但若閣下用的是無五個8度的lever harp, 或新琴從未有第五個8度的弦斷咁點算？？唔通要特登買5th oct線返去剪斷只為左做線頭咁浪費 :(？？？
其實線頭並不用刻意去買的 :)
如去豎琴弦線公司Bow Brand訂購豎琴弦線，公司會附送線頭。
如去大型音樂中心門市買豎琴弦時，職員一般都不會懂豎琴所以未知有這需要提供。坊間亦有豎琴行不願意提供線頭。但所有專業豎琴行一定必備大量新線頭給購買弦線客人 ;)
因為冇線頭就換唔到新線，正如冇Tuning key就tune不到豎琴 - 得物無所用。
所以同學們買豎琴前務必要留意該琴行會否送線頭呀，唔係就要白行一轉！
祝大家下雨天也要Happy Harping
王穎欣 Arielle Wong
作者簡介
Professional Harpist
聯繫作者
https://www.facebook.com/harpistarielle
想為子女找個好的音樂導師？
請用本頁上方之「樂人搜尋」列或是進入「樂人頻道」頁面，尋找各區音樂導師，無需中介即時與導師聯絡及查詢。
